كتب-ياسمين عز

كشف الفنان تامر حسني عن تفاصيل تعاقده مع شركة شيبسي لتقديم إعلان خلال شهر رمضان 2024.

وكتب حسني عبر "فيس بوك": "مساء الخير عليكم .. بقالي يومين بتابع اللي بيحصل و احتراماً للجميع .. انا بوضح حاجه بخصوص إعلان شيبسي الأخير".

وأضاف :"أولاً .. أنا  على قوة الشركة من سنتين قبل اي أحداث و ده مش أول إعلان ده ثالث اعلان في عقدي ، معلش احياناً الكلام عند بعض الناس  بيبقى سهل و تحديداً لما بيكون بدون علم بالعقود و بحيثيات الموضوع كله".

وأضاف: "ثانياً .. انا مضيت على عقد مكتوب فيه إن شيبسي  شركة مصرية و لها سجل تجاري ضريبي مصري منفصل و البند قدامكم اهوه لصدق كلامي".

وتابع: "ثالثاً .. و الأهم  لأي حد بيشكك في انتمائي للقضية الفلسطينية هقوله  أنا من ٢٠ سنة و انا في ضهر القضية و مش كلام و أغاني بس لاااااا …. أنا روحت بنفسي معبر رفح اثناء الضرب لمساندة هالينا هناك بأكبر حملة، معتقدش في حد هيخاطر بحياته و يروح بنفسه معبر رفح أثناء الضرب مجامله مثلاً".

واختتم: "اخيراً  …. أنا لما قررت أكون الوجه الإعلاني لشيبسى من سنتين لأنه منتج مصري كل المصريين بيحبوه  و البطاطس من الفلاحة المصرية و بيتباع في مصر بس و اتربينا عليه و الأهم ‘ن الشخص البسيط يقدر يشتريه في  ظل ظروفنا الاقتصادية و أظن ده واضح في الإعلان  .. ده كان شعوري الشخصي اتجاه الحملة وأنا بمضيها من سنتين  عشان كده كان واجب عليا التوضيح للجميع و للّي مش واصلاله الصورة بكل احترام .. و شكراً لكل اللي ردوا عني  و هما مغمضين حقيقي انتوا نعمة كبيرة من ربنا  ألف شكر و رمضان كريم على الجميع ".

مشاركة المقال